2024ko Maiatzak 4 eta 5
Gazta-Azoka
Euskal Herriko Artzainek egindako gazta sustatzea da helburu nagusia, gazta horien atzean dagoen guztia babestuz eta balioan jarriz. Idiazabalgo Gazta Azoka denboraldi berriko lehen azoka garrantzitsua da. Gure artzainak neguan gogor aritu dira lanean eta laster ardiak mendira igotzea tokatuko zaie, gure mendi paisaia mantentzera. Aurtengo denboraldiko gazta berriak kontsumitzaileari aurkeztu eta artzainekin elkarrizketa izateko abagune ederra da Gazta Azoka.
Artzain eta gaztagileak
18 euskal gaztagile eta 6 Euskal Herriaz haratagokoak
Euskal Herriko lurralde guztietako artzain gaztagileak izaten dira Idiazabalen, Bizkaia, Gipuzkoa, Araba, Nafarroa eta Iparraldeko artzain gaztagileak.
Mendi lerro ezberdinetan lanean diharduten artzainak izaten dira, euskal herriko paisaiaren zaintzan paper garrantzitsua jokatzen dutenak.
Guztira 18 euskal gaztagile izango dira Idiazabalen. Kanpotik beste 6 etorriko dira.
Euskal Herri osoko artzainak izaki, IDIAZABAL Jatorri izendapenekoak nahiz Ossau Iraty sormarkako gaztak aurkitu daitezke Idiazabalen.
EUROPEAN CHEESE
ROUTE ASSOCIATION
Geurea Europan kokatuz. Idiazabalgo udalak bultzatu zuen Europa mailako sare bat da European Cheese Route Association.
Gaztaren erreferentziazko herrien arteko sarea da, 2015ean eratu zen eta elkarlana sustatu nahi du, herrien eta gure artzain/gaztagileen beharrei erantzun emango dien proiektuak lantzeko.
Horren erakusgarri GAZTA AZOKAN izango ditugu 5 herrialdetako gaztagileak.
Antolatzailea
Organizador / Organisateur
Laguntzaileak
Colaboradores / Collaborateurs
